Sjimpansee-skildery bring troos vir kunstenaar en fondse vir skuiling
Vir die gidse en besoekers aan Chimp Eden, die sjimpansee-skuiling naby Mbombela, is Jessica, 'n leier van Groep Een, 'n inspirasie. Deur haar skildery van Jessica het 'n Kaapse kunstenaar ook troos en heling gevind.
HAZYVIEW – ‘n Skildery van een van die leiers van die Chimp Eden Groep Een-trop, Jessica, het Sondag tydens ‘n veiling op Hazyview R 6500 behaal.
Die skildery is opgeveil gedurende die fondsinsamelingsete waar die VN Ambassadeur van Vrede en ikoon van sjimpansee-redding, Dr. Jane Goodall, as spreker opgetree het. Dit is nou in die trotse besit van Ms Pendrae Scott.
Die pastelskets is deur mev. Norma Jean Greyling (70) van Boston, Bellville gemaak. Haar kleindogter, Chantell, is een van die gidse by Chimp Eden. Die kunstenaar het einde Desember 2016 haar seun Deon aan die dood afgestaan en die maak van die werk vir die veiling ter ondersteuning van die fondsinsamelingspoging het vir haar veel troos en genesing gebring.
‘n Voorste Hazyview toerisme-agentskap, Tours en Tickets, het die fondsinsamelingete gereël. ‘n Bedrag van meer as R 6000 is aan die Jane Goodall Instituut van Suid-Afrika oorhandig deur Eva Wagner van Tours and Tickets.
Fondse is tans broodnodig by die sjimpansee-skuiling aangesien die hoofgebou by Chimp Eden onlangs groot skade ondergaan toe ‘n reuse bloekomboom daarop neergeslaan het maar is reeds herstel om weer maaltye aan gaste te kan bied. Die sjimpansees is egter nou sonder ‘n koelteboom in die voorste kamp en het ‘n klimraam wat ook skuiling bied broodnodig.
- Indien jy ‘n bydrae wil maak tot Chimp Eden se koste met die bou van die klimraam of groente en vrugte vir die sjimpansees wil neem, skakel Philip by 083 231 6309
‘n Kykie na Jessica se lewensverhaal
