Is jy moeg daarvoor om enkeloppend te wees? Begeer jy ‘n verhouding soos dié van Willie en Franja Engelbrecht, die droompaartjie op Woensdag se Muskiet-voorblad? Niks laat ‘n meisie se hart so warm klop soos Jo Black, Bobby van Jaarsveld, en ‘n goeie optelfrase nie (Muskiet se vertaling van ‘n pick-up line). Maar, niks sit haar so vinning af soos ‘n onsmaaklike een nie.
Die fondasie is gelê – die res hang van jou af. Hier is ‘n paar moets en moenies wanneer dit by optelfrases kom.
Moenies
• “Is jy ‘n kulkunstenaar? Want as ek na jou kyk verdwyn almal.” Veertigduisend mense? Verdwyn? Nee!
• “Weet jy waarvan my hemp gemaak is? Kêrelmateriaal.” Waarskynlik katoen, boet.
• “Hou jy van dans? Nou gaan dans ‘n bietjie laat ek met jou vriendin kan praat.”
• “Het die son jou gebrand of is jy altyd so hot?” Sy gaan jou waarskynlik vra of haar gesig rooi is.
• “Is jy ‘n weeshuis? Want ek wil vir jou kinders gee.” Sies!
• “Ek weet jy’s nie ‘n klip nie, maar vir jou sal ek gooi.”
• “Ken ek jou? Jy lyk soos my
volgende meisie.”
• “Ekskuus, ek kyk nie na jou borste nie, ek kyk na jou hart.”
• “Kan ek jou huis toe volg? Want my ouers het gesê ek moet my drome volg.”
• “Lyk of jy koud kry. Wil jy my as ‘n kombers gebruik?”
Probeer eerder dié (maar maak eers
seker sy het nie ‘n kêrel nie)
• “Glo jy in liefde met eerste oogopslag of moet ek weer verby loop?”
• “Jy laat my dink aan ‘n kamera, want elke keer as ek vir jou kyk glimlag ek.”
• “Het jy vir my ‘n pleister? Want ek het my knie seergemaak toe ek vir jou val.”
• “Het jy ‘n potlood? Want ek wil jou verlede uitvee en jou toekoms herskryf.”
• “Het jy ‘n padkaart, want ek raak verlore in jou oë.”
• “Jy skuld my ‘n dop, want ek het myne verloor toe ek jou sien.”
• “Ek dink ek het my selfoonnommer verloor. Kan ek asseblief joune kry?”
• “Is jy van Australië af? Want jy voldoen aan my koala-fikasies.”
• “As ek ‘n kat was sou ek al nege my lewens met jou spandeer.”
• “Jy het nou so stomgeslaan, ek het my pick-up line vergeet.”

Lees ook: Skare verlustig hulle aan skouspelagtige vertonings