NHS se graadtwaalfs glansryk by matriekafskeid
Die tema van die matriekafskeid was "tyd" en die venue is met horlosies en ander elemente wat dié tema weerspieël, versier.
Hoërskool Nelspruit se graad 12-leerders het swierig gelyk by dié skool se matriekafskeid op Donderdag 30 September.
Die matrieks het eers met luukse motors by die skool aangekom, waar hul ouers ook kon kyk hoe glansryk hulle lyk. Daarna is hulle met Buscor-busse na Kwanyoni Lodge vervoer, waar die spoggerige geleentheid aangebied is.
Die tema van die matriekafskeid was “tyd” en die venue is met horlosies en ander elemente wat dié tema weerspieël, versier.
Die ma’s van die skool se gr. 11-leerders was verantwoordelik vir die dekor en opmaak van die onthaal.
ALSO READ: Mediclinic participates in vaccination drives
Soos oudergewoonte het Kwanyoni Lodge watertanddisse voorgesit en die matrikulante het gesmeul aan soesji en Chinese rolletjies vir voorgereg. Die hoofgereg is voorgesit in buffetstyl en die leerders kon kies tussen ‘n verskeidenheid slaaie.
Die mense kon nie uitgepraat raak oor hoe spesiaal Hoërskool Nelspruit en Kwanyoni Lodge die aand vir die graadtwaalfs gemaak het nie. Die geleentheid is deur sowat 240 leerders bygewoon.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
