Langnaweek beteken groot sakebedrywighede vir vlooimark
Die Henk van Rooyen Park se vlooimark het die afgelope langnaweek op Saterdag 25 September die inwoners, toeriste en selfs besoekers van ander dorpe aangenaam verras met die groot hoeveelheid stalletjies.
Met meer as 50 stalletjies oor die veld versprei was daar alles beskikbaar van kos en drankies tot speelgoed en kreatiewe kuns; ‘n wye versameling wat alle begeertes en behoeftes kon dek.
“Al die stalletjiehouers was soos altyd vriendelik en behulpsaam, en het mekaar en die nuwe stalletjies op die warm dag ondersteun. Ons is soos ‘n groot familie,” het Vanessa Schoeman, die organiseerder van die vlooimark, gesê.
“Ons het ongelooflik baie mense die naweek ontvang, en ons kon nie vir beter ondersteuning vra nie. Almal het die dag geniet. Ons sien uit om weer die vlooimark te hou,” het Jeannie Strauss, die bestuurder van die Henk van Rooyen-oord, gesê.
LEES MEER: Nuwe kameras help om die Malalane-omgewing te beveilig
Die vlooimark vind op die eerste Saterdag van elke maand plaas, maar met die langnaweek kon dit nie eenkant toe gestoot word nie.
Die geleentheid was geskep vir plaaslike mense om inkomste te verdien met hulle harde werk, of dit nou kos, ingelegde produkte, koekies, handewerk, kuns of enigiets kreatief was.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
