‘n Oggend van pret en dans vir inwoners van sorgsentrum
Inwoners van die Lily Care-sorgsentrum by Rubicon is op 14 Oktober bederf met 'n oggend van pret, dans en lekker kos by Mustangs - The Dancing Place.
Inwoners van die Lily Care-sorgsentrum by Rubicon is op 14 Oktober bederf met ‘n oggend van pret, dans en lekker kos by Mustangs – The Dancing Place.
Sowat 10 mense, waarvan sommige aan Alzheimer se siekte en demensie ly, is die oggend by die sorgsentrum met ‘n Citybug-bus opgelaai en na die kuierplek geneem.
Daar het hulle drankies ontvang en heerlike musiek is gespeel. Die dansvloer is met kleurvolle ligte opgehelder.
Die vloer is geopen en veral die dames het genotvol op ou treffers gedans.
Die groep het later ‘n middagete van hamburgers en skyfies geniet. Hulle is ook bederf met ‘n geskenkpakkie met lekkernye, sneesdoekies en ‘n pet.
LEES OOK: KMI-lughawe samel R40 000 in vir liefdadigheid
Amanda Collins, die koördineerder van aktiwiteite by die sorgsentrum, het die pretdag vir die inwoners in samewerking met Care Buddies gereël.
“Hulle kom selde uit en bly meestal net by die sorgsentrum. Meeste van hulle kinders bly ver en kan hulle nie altyd uitbring na sulke plekke nie. Hulle het dit nodig om ‘n bietjie uit te kom en ander dinge te sien as wat hulle daagliks doen.”
