Stef Kriel (39), ’n Hoërskool Nelspruit-alumnus, is op 30 Oktober aangewys as Eskom Nasionaal se beste ingenieur in kragopwekking tydens die Eskom Generation-prysuitdelingsaand in Midrand.

Kriel dien sedert 2011 by Eskom. Hy het daar begin as ingenieur in opleiding en werk tans as senior ontwerpingenieur by die Koeberg-kragsentrale.

Die titel is aan Kriel toegeken uit ’n groep ingenieurs en bestuurders van elke Eskom-kragstasie wat jaarliks aangewys word. Daarna word die algehele wenners tydens die Generation-prysuitdeling aangekondig.

“Dit was ’n groot voorreg om gekies te word. Daar is tans soveel uitstekende ingenieurs wat vir Eskom werk, dus was dit ook ’n groot verrassing om uitgelig te word. Ek wil graag dankie sê aan die Here wat my deur my loopbaan tot dusver gedra en gelei het, en aan my gesin en familie vir hul ondersteuning deur die jare,” sê Kriel.

ALSO READ: Kruger National Park hosts symposium to spotlight ancient cultural heritage