Kleurontploffing – skool skud vere reg vir 100-jaar fees

Sowat 600 mense het ingeskryf vir Hoërskool Lydenburg se 2021 Colour Run wat Saterdag plaasgevind het.

April 16, 2021

Michelle Boshoff Less than a minute

Al die kleure van die reënboog het Saterdag in 'n wolk oor Hoërskool Lydenburg se gronde opgestyg. Dit moes seker 'n skouspel gewees het van bo-af besigtig, maar te oordeel aan hoe die deelnemers hulself geniet het tydens die 2021 Colour Run, was dié dag ’n groot sukses. Oud-leerders en vriende van die skool moet solank hul vere regskud vir die eeufees. Foto: Michelle Boshoff

Die Colour Run was ‘n gr. 11-projek om fondse in te samel vir die matriekafskeid in September. Weens Covid-19-regulasies was daar drie wegspringtye. Die graadelfs het oor die 3 000 klein verfpakkies gepak vir die deelnemers se geskenksakkies, met kleurpoeier wat hulle skeppie vir skeppie moes ingooi. Claire Klopper, een van die organiseerders, bedank graag namens almal al die sakeondernemings wat waterpunte geborg het en betrokke by die wegspring en eindpunt was. Sy het ook die ouers wat met die kosstalletjies en administrasie gehelp het, asook Ian Breitenbach, die adjunkhoof, bedank vir sy reëlings om dit ‘n suksesvolle dag te maak.