Staking van korte duur voor hoofingang van kampus

‘n Groep van ongeveer 30 mense van ‘n plaaslike sakeforum het vanoggend (Woensdag, 21 September) voor die hoofingang van die NWU Potchefstroomkampus in Hoffmanstraat byeengekom.

Bande is aan die brand gesteek om protes te toon. Daar is glo geëis dat kontrakte wat verband hou met bouprojekte op die kampus aan lede van dié forum toegeken word. NWU Beskermingsdienste het die brande vinnig geblus. Daar is ook geen skade aan eiendom nie.

Gesprekke met die groep is aan die gang. Die situasie is onder beheer en die plaaslike SAPD is ook op die toneel.

NWU woordvoerder, Louis Jacobs, het bevestig dat die hoofhek alreeds teen 10:15 weer oopgemaak is.