Vordering vind plaas by Landboukollege
Die gebarste pyp is herstel en werk aan die rioollek wys vordering.
DA-wyksraadslid van Wyk 4, Johan Zerwick, het Woensdag laatmiddag, 4 Maart by die Landboukollege gaan inspeksie doen waar ‘n asbes-waterpyp twee keer in twee dae gebars het.
Volgens hom is die werk voltooi en lyk als goed.
“Die waterdruk is nog swak omdat ons gevra het hulle moet die waterdruk stadig vermeerder anders kan die volledige druk moontlik nog ‘n bars veroorsaak. So die druk is nog swak, maar dit sal stelselmatig vermeerder tot vol kapasiteit.”
Hy gaan voort om te sê hulle is dankbaar dat die herstelwerk gedoen is.
“Dit is net die rehabilitasie en om die terrein in orde te kry wat nog afgehandel moet word.”
Hy vertel werk op die rioollek binne die kollege wat al vir ‘n wyle ‘n probleem is, ook vordering wys. Die reën maak dit egter moeilik.
Lees die vorige artikels hier:
