Die Luiperds het vanmiddag op die Bosman Stadion in Brakpan teen die Valke hulle sokkies opgetrek en die tuisspan met 26-23 in die Curriebeker Eerste Divisie halfeindstryd geklop.

Sodoende het hulle verlede week se 44-19 nederlaag teen dieselfde Valke-span geheel en al agter die rug gesit en bewys hoe gevaarlik ‘n “gekweste Luiperd” kan wees met hierdie ommekeer in slegs ‘n week se tyd.

Vir die Luiperds het Loftus Morrison twee drieë gaan druk, met Juan Language en Gene Willemse wat die ander drieë ingepalm het.

Gerhard Nortier het terug in die nommer 10 trui drie belangrike doelskoppe oorgeklits.

Vir die Valke het Andries Schutte en Warren Potgieter agter die pale gaan kuier. Potgieter het ook drie strafskoppe en twee doelskoppe oor die pale geskop om vir ‘n naelbyteinde te sorg.

Die Luiperds sal nou wag vir die ander halfeindstryd wat môre (Saterdag, 14 Oktober) tussen die Boland en die Griffons plaasvind om te behaal of hulle tuis teen Boland of weg teen die Griffons sal speel.

Lees meer oor dié wedstryd en die komende eindstryd in Donderdag se Potchefstroom Herald.