Die Potchefstroomse Buiteklub het die Paasnaweek hul jaarlikse Willows gholftoernooi aangebied.
Honderd en twintig spelers vanoor Suid-Afrika en Engeland het vir vier dae in ‘n parespel teen mekaar meegeding. Elke dag was ‘n ander formaat en is die punte behaal bymekaar getel om die algehele wenners te bepaal.
* Op Donderdag, 18 April het die klub die Master Syfer 3-kompetisie aangebied. Die wenners was Gross Riegardt Albertse en die nett is gewen deur Hannatjie van Rooyen.
* Op Vrydag, 19 April was die formaat ‘n beterbal scramble dryf. Beide spelers moes op dieselfde baan speel.
Die wenners was: 1ste – Jannie Cilliers en Janco Cillers met 50 punte; 2de – Danie Pienaar en Christof van Niekerk met 50 punte; 3de – Vaughan Wandrag en Rudi de Beer met 49 punte; 4de – Charl Labuschagne en SP Campher met 49 punte. Die beste eerste nege is gewen deur Johan Coetzee sr. en Guillaume Strydom met 27 punte en die tweede nege is gewen deur Frik Crause en Theo Daly met 28 punte.
* Op Saterdag 20 April is die Pinehurst formaat vir die eerste keer tydens die Willows gespeel. Dit behels dat albei spelers afslaan, mekaar se tweede houe speel en dan ‘n keuse maak oor watter bal om verder te speel. Vandaar is dit alternatiewe hou vir die putjie. Die wenners was:
1ste – Danie Pienaar en Christof van Niekerk met 48 punte; 2de – Jean van der Kevie en Louis Fouché met 47 punte; 3de – Roald Pieterse en Chandre Pretorius met 45 punte; 4de – Peet van Schalkwyk en Christo Peens met 45 punte. Die beste eerste nege is gewen deur Jannie Cilliers en Janco Cilliers met 23 punte en die tweede nege deur JG Marais en Michael Marais met 24 punte.
Op Sondag, 21 April was die formaat ‘n switch drive combined. Die wenners was: 1ste – Louw en Coenie de Beer met 79 punte; 2de – Peet van Schalkwyk en Christo Peens met 77 punte; 3de – JP Botha en Franco Froneman met 77 punte; 4de – F. Anderson en M. Anderson met 76 punte. Die beste eerste nege is gewen deur Johan Coetzer en Fila Eckley met 38 punte en die tweede nege is gewen deur Kaiser Cornelius sr. en Kaiser Cornelius jr. met 42 punte. Maandag se kompetisie is weens die nat baan nie begin nie. Algehele wenners van Willows 2019: 1ste – Peet van Schalkwyk en Christo Peens (160 punte); 2de – Johan Coetzer en Fila Eckley (159 punte); 3de – Frik de Beer en Tiaan Pitout (159 punte); 3de – JP Botha en Franco Froneman (159 punte).
Foto’s: Verskaf
