Die Luiperds vroue se juweel, Jakkie Cilliers, gaan nou in Europa in Springbokkleure skitter nadat sy as een van 33 spelers in die Bokgroep gekies is.

Hierdie senter gaan saam die Springbokgroep op 26 Oktober na Frankryk en die Verenigde Koninkryk reis. Die Springbok vroue gaan teen Frankryk, Wallis en die Barbarians speel.

Dit is die perfekte afsluiting vir ‘n skitterende jaar vir Cilliers wat vanjaar haar rugbyloopbaan by Potch Dorp begin het en nou al ‘n Springbok is met punte agter haar naam.

Haar vertonings teen Kenia in Augustus het beslis die keurders beïndruk en nou kan sy uitsien na nog toets-aksie oorsee.