Volkies se eersterugbyspan het bewys dat harde werk beloon word.

Dit nadat hulle 26 – 19 teen Wesvalia gewen het. Vroeër in die jaar moes Volkies met ‘n verloor huistoe gaan. Wesvalia het die Potchefstromers tydens die NWU Prestige reeks geklop.

Volgens Mighael de Beer, hoofafrigter van Volkies, was dit naelskraap wedstryd wat in die heel einde eers gewen is.

“Ek is baie trots op die ouens, dit was taai maar ons het baie hard gewerk  en die vrugte daarvan gepluk,” het de Beer gesê.

Volgens hom was dit ‘n goeie wen vir die span.

“Hulle het ‘n baie goeie span. Ons was dalk op die dag nie tegnies in die kol nie, maar die ouens het regtig vir mekaar gespeel,” het de Beer gesê.