Potchefstroom Gimnasium se tennisseuns en dogters het die afgelope naweek tydens die NWU Eagles-Skoletennistoernooi op drie oppervlaktes hulle staal bewys.
Die NWU is in die bevoorregte posisie om gras, klei en harde bane by die Fanie du Toit Sportgronde als in een tennis hub te kan voorsien. Hierdie toernooi was ‘n uitstekende geleentheid vir top skole tennisspelers om op hierdie oppervlaktes, veral klei en gras, vir die eerste keer te kon speel.
Die NWU het juis ook die afgelope naweek tesame met hierdie toernooi ook die kleibane amptelik geopen.
Gimmies se dogters tennisspan het hulle afdeling gewen. Ander hoërskole wat aan hierdie toernooi deelgeneem het was Hoërskool Menlopark, Hoërskool Craddock, Hoërskool Transvalia, Betlehem Voortrekker, Wilgerivier sowel as die Werner Joubert Tennisakademie.
