Hoër Volkskool Potchefstroom se o.14A en o.17A netbalspanne het behoorlik hulle arendsvlerke gesprei toe hulle albei as NW-naaswenners by die NW Skolekampioenskappe op Saterdag, 3 Junie gekroon is.

Sodoende gaan albei hierdie spanne aan die SA Skolekampioenskappe later vanjaar (9-13 Augustus) deelneem.

Die o.14A-span klop Wesvalia met 19-14 in die half-eindstryd, maar val vas teen Rustenburg (RHS) met slegs een punt (13-14).

Die o.17’s klop hulle tradisionele teenstanders, Potchefstroom Gimnasium, met 13-9 in die half-eindstryd, maar kan ook nie die RHS-masjien in die finaal klop nie en verloor met 8-17.