DIe Luiperds het die Griekwas tydens hulle eerste wedstryd van, vanjaar se Cravenweek pap gespeel.

Dié wedstryd wat op n nat veld in George gespeel is, sal waarskynlik as een van die beste vertonings deur ‘n span in vanjaar se kompetisie gesien kan word. Die Noordwesters het die wedstryd 46 – 7 gewen, hulle het 7 drieë aangeteken.

Die Luiperds het van meet af, die meeste Rugby gespeel. Hulle het die bal goed geskuif en besonders goed van die voorvoet af geskop. Die Noord Kapenaars het geen antwoord op die Luiperds se aanvalle gehad nie, een van die redes is omdat die Luiperds nie net op een aspek van die spel staat gemaak het nie.

Hulle het goeie taktiese skoppe gemaak, hulle was nie bang om met die bal in die nat weer te speel nie, hulle voorspelers het sterk bal gedra, hulle werk by die afbreekpunte het verseker dat hulle balbesit behou en baie van die Griekwas se balle gesteel het.

Dit was voorwaar ‘n spanpoging van die Luiperds, in vertoning wat daar nie veel fout mee gevind kan word nie. Die Noordwesters het beslis ‘n stelling gemaak.