Laerskool Baillie Park se o.10A krieketspan is Noordweswenners. Dit nadat   hulle Laerskool Generaal Hendrik Schoeman van Hartebeespoort Dinsdag, 24 Oktober met 8 paaltjies in die eindstryd op Laerskool Mooirivier se velde geklop het.

Baillies jaag GHS se totaal van 160/8 in suksesvolle wyse met Righardt Maree se onoorwonne 62* (83) en Meyer Bezuidenhout 38 (64) wat vir hulle ‘n oorwinning besorg. Maree met 3/30 was ook uitstekend met sy boulwerk. Onder die afrigting van Jacques Botha het die span top krieket gespeel en verdien om vanjaar die beker hoog te hou.