Gimmies is gerat om komende naweek hulle Noordvaal Bowl-afdeling veldtog voort te sit.

Na ‘n lang tydjie af, het die Potchefstromers die roes teen Welkom Gimansium afgeskud. Hulle speel op 2 Augustus teen Dinamika in Alberton.

Volgens Regardt Kleingeld, Direkteur van Rugby by Gimmies, het sy troepe goed gelyk na die langdurige rus tydperk.

“Ons is reg vir die laaste drie wedstryde, dit gaan moeilik wees, maar soos ons al die jaar gewys het, staan ons nie terug vir die uitdaging nie,” het kleingeld verduidelik.

Gimmies se 1ste XV is nog onoorwonne in die kompetisie, Dinamika lê aan die ander kant van die punteleer, en die Potchefstromers behoort nog ‘n oorwinning in hulle opmars na die halfeindrondte te kry.

Plekke in vanjaar se Bowl uitspele wedstryde is nog wa wyd oop, die spanne wat eerste ‘n voetfout maak gaan nie daar uitkom nie.