Volkies het die afgelope naweek vir Randburg in Potchefstroom verwelkom vir ‘n Noordvaal Bowl-afdeling kragmeting.

Die Potchefstromers het die manne van Johannesburg met 36-26 geklop. Volgens Mighael de Beer, hoofafrigter van Volkies se 1ste XV was dit ‘n klipharde stryd.

“Hulle is baie fisies, maar ons het onsself goed van ons taak gekwyt. Veral in die eerste helfte het ons goed gespeel, ons het dit bietjie laat gaan in die tweede helfte, maar ons het hom darem deur getrek. Ons was op die dag net net so bietjie beter as hulle gewees,” het hy vertel.

In die ander ouderdomsgroepe het Volkies ook nog vyf oorwinnings ingepalm. Dinamika het egter ‘n goeie naweek teen Gimmies beleef wat hulle plek vir promosie versterk het.

Volkies is komende naweek weer tuis wanneer hulle teen Ermelo te staan kom.