Veritas Manskoshuis se eerstejaars dra die rugbykroon nadat hulle Villagers Manskoshuis met 37-0 in die Eerstejaars Koshuisrugbyfinaal getroef het.

Hierdie wedstryd wat op Vrydagaand (27 Februarie) op Olënpark plaasgevind het, was eenrigtingverkeer vir die manne in rooi en swart.

Foto’s: Tian du Preez

Bismark Jansen het twee drieë vir Veritas gedruk met PC Schutte en Tiaan Koen wat ook oor die doellyn vir Veritas duik. Koen is ook as die speler van die wedstryd aangewys.

Veritas se Schalk Botha het ook drie strafskoppe en vier doelskoppe oor die pale geklits.