Die kranige agtsteman van Potchefstroom Gimnasium, De Wet Grobler, is by die O19 Oakdale Rugbyweek as die beste voorspeler van die toernooi aangewys. Hy is ook in die XV-tal van die toernooi ingesluit wat sy harde werk en talent beklemtoon.

Spelers van skole soos Daniel Pienaar, Swartland, Duineveld en Charlie Hofmeyr is in hierdie XV-tal ingesluit.

Hierdie is een van die rugbyweke in die skoolvakansie waaraan Gimmies deelgeneem het. Ander ouderdomsgroepe neem aan die Francois Swart-rugbyweek by Affies deel (O15), terwyl die O16A-span aan die Skonk Nicholson Rugbyfees by Maritzburg-kollege deelgeneem het.