Gimmies se o17A netbalspan wen Noordwes-titel

Gimmies se twee spanne (o17A en o19A) gaan nou aan die SA's deelneem. Volkies se o19A's het ook met brons vir die SA's gekwalifiseer.

6 hours ago

Wouter Pienaar 1 minute read

Gimmies se o17A netbalspan is Noordweswenners. Foto: Potchefstroom Gimnasium/Facebook

Gimmies se o17A netbalspan het na ‘n naelbystryd teen Grenville High die Noordwestitel met ‘n 19-17 oorwinning behaal.

Gimmies moet vyf wedstryde in ‘n ry wen om hierdie title tydens die Noordwesdag op 6 Junie by Hoerskool Wesvalia te verower.

Martiné Jordaan se span het vir Volkies met 15-8 in die kwartfinaal geklop voor hul vir KHS met 12-9 in die halfeindstryd gewen het.

Gimmies se o19A-span is Noordwes naaswenners en kwalifiseer sodoende ook die SA kampioenskappe. Hul het ‘n uitstekende toernooi beleef en het oortuigende oorwinnings onder die afrigting van Sunet de Klerk behaal voordat hul in die eindstryd teen RHS met 23-26 verloor het.

Volkies se eerste netbalspan behaal ‘n derde plek by die Noordwesdag by Wesvalia.

Volkies se eerste netbalspan, onder die afrigting van Larissa Otto, behaal die derde plek in die o19A-kategorie en kwalifiseer sodoende ook vir die SA’s met ‘n top 3 plek in Noordwes.

Gimmies o17A – Noordwes-kampioene

Wen 22-2 teen Keurhof
Wen 15-4 teen Kabelo Mashi
Kwartfinaal: Wen 15-8 teen Volkies
Halfeindstryd: Wen 12-9 teen KHS
Finaal: Wen 19-17 teen Grenville

Gimmies o19A – Noordwes-naaswenners

Wen 42-5 teen Fumane
Wen 50-5 teen Matlhaleng
Kwartfinaal: Wen 33-14 teen Bergsig
Halfeindstryd: Wen 29-15 teen Wesvalia
Finaal: Verloor 23-26 teen Rustenburg

At Caxton, we employ humans to generate daily fresh news, not AI intervention. Happy reading!