Volkies se kranige o15A netbalspan het hul karakter onder druk gewys om goud te verower tydens die eindstryd van die Noordwes Kay Motsepe Skolenetbaltoernooi teen Hoërskool Rustenburg.
Die o16A-span het ‘n tweede plek verower na hul net-net met 19-20 teen Wesvalia vasgeval het.
Na ‘n opwindende Noordwes Netbaldag by Hoër Volkskool Potchefstroom het albei van die gasheerskool se netbalspanne vir die SA’s gekwalifiseer wat vanaf 29 Julie – 3 Augustus (o16) en 13-15 Augustus (o15) sal plaasvind.
Ohna Kasselman het ‘n puik seisoen as hoofafrigter van die o15A netbalspan vanjaar. Saam met Larissa Otto as mede-afrigter, het hul span vroeër vanjaar die Classic Clash teen Gimmies met 21-17 gewen en is nou ook Noordweskampioene. Verder het haar eerstespan ook ‘n derde plek in Noordwes behaal.
Gimmies se o14A netbalspan behaal ‘n tweede algehele plek en vorder ook na die SA Kampioenskappe. Hul het met 12-16 teen Bergsit Akademie in die eindstryd verloor.
Die o15A’s van Gimmies het in die kwartfinaal teen Wesvalia verloor terwyl die o16A’s ‘n vierde plek behaal het. Hierdie twee spanne kwalifiseer sodoende nie vir die SA’s nie.
