Die top tennisspelers van laerskole regoor Suid-Afrika het van 26 tot 29 Augustus aan die NWU en Laerskool Mooirivier se Laerskole Multi-oppervlak-tennistoernooi deelgeneem, met Laerskool Baillie Park se o13-tennisdogters wat as die wenners weggestap het.

Dit is ’n besondere prestasie vir Baillies, wat hul talent op die tennisbane bewys het.

Die dogtersspan bestaan uit Adelay Botha (Graad 6), Dineke Janse van Rensburg (Graad 7), Mienke Els (Graad 6), Carlene Coetzee (Graad 6) en Fiané Wessels (Graad 6).

Mooirivier se o13A-seunspan het ook uitstekend gevaar en die derde plek in die seunskategorie behaal.

Wat hierdie toernooi besonders maak, is die feit dat tennis op gewone harde, gras- en kleibane gespeel word. Sodoende kry leerders van jongs af die geleentheid om op verskillende oppervlaktes te speel en hul vaardighede aan te pas.

Finale puntestand:

Seuns:

1. Paarl Primêre Seunskool
2. Umhlali Prep
3. Laerskool Mooirivier A
4. Grey College Primêr
5. Universitas
6. Laerskool Mooirivier B
7. Laerskool Baillie Park

Dogters:

1. Laerskool Baillie Park
2. Oranje Meisies
3. Opespan
4. Laerskool La Hoff
5. Laerskool Mooirivier A
6. Umhlali Prep
7. Laerskool Mooirivier B