Een van Volkies se top dogtershokkiespelers, Maré Coetzee, is vir die Noordwes Senior B-Damespan gekies wat tans by die Interprovisiale Toernooi (IPT) in Witbank vanaf 29 Augustus – 3 September deelneem.
Maré is die jongste speler in die groep wat op 16-jarige ouderdom alreeds haar talente bewys.
Noordwes se B-span het alreeds vir Mpumalanga (2-0) en KZN (5-0) geklop in hierdie toernooi.
“Maré, jy inspireer ons almal – jou harde werk en talent wys dat ouderdom geen beperking is nie. Ons staan agter jou elke tree van die pad,” noem Volkies op hul Facebookblad.
At Caxton, every story is written by humans. We use AI only to perform quality checks - never to generate the news. Happy reading!
