LYDENBURG – Een van die gewildste gebeure op die dorp se kalender, die basaar van die NG Kerk-Suid het verlede naweek plaasgevind.

Dit het reeds Vrydagaand met die optrede van Anna Davel, een van die land se voorste sangers, en ‘n lekker braai begin.

Die jonges van dae kon Vrydag ook aan ‘n koekversieringskompetisie deelneem.

Saterdagoggend is met ‘n ontbyt begin, waarna die stalletjies met alles te kus en te keur, waaronder outydse ware, kos, groente, lekkergoed, speletjies, perdry en gesigverf, geopen het.

Vir die kinders was die “Mini Warrior” ‘n groot uitdaging. Die basaar is Sondag met ‘n erediens en ete afgesluit.