Die Waterval CVO-skool het die gehoor weer betower met hul jaarlikse konsert. Die tema was Ons wonderlike land Suid-Afrika. Leerlinge het die konsertgangers van een provinsie na die volgende geneem en die kultuur van elk laat beleef. Daar is by Durban, Loftus Versveldt in Pretoria, in die Laeveld en selfs by Drie Susters in die Kaap gestop. Die kinders het dit gate uit geniet en kan nie wag vir volgende jaar se konsert nie.