Pro-Life vier sy 10de verjaardag
'n Diereverjaardag soos min het op Saterdag Pro-Life se gronde oorgeneem, ten spyte van die hitte.
Dit was Pro-Life Pet Rescue, Rehabilitation and Adoption Agency se 10de verjaardag, en die fokus was uit en uit op die honde en katte wat heerlik bederf is.
“Die mense moes kom en ons honde by Pro-Life vir ‘n stappie vat en hulle ‘n bederfie gee. Hulle kon die honde borsel as hulle wou; jy kan sien party klim in die water. Dis hulle verjaardagpartytjie, so hulle moet vandag bederf word; vanaand slaap hulle soos klippe,” het Karin Erasmus, die stigter van die organisasie, aan Laevelder gesê.
Die stappery is ongeveer 11:00 halt geroep om te verhoed dat die honde warmte-uitputting kry.
Aangesien die katte nie kan gaan stap nie, kon mense vir hulle gaan kuier en ook daar vir hulle ‘n eetdingetjie gee.
LEES OOK: Twee beseer toe boom in die ry op hul motor val
“Dit was heerlik. Ons het ‘n fantastiese kinderarea hierdie jaar wat ons nie vroeër jare gehad het nie, so ek dink dit was oor die algemeen ‘n verskriklike sukses.”
Behalwe vir die diere bederf kon die mense ook tydens ‘n kompetisie ‘n kleim afpen om moontlik ‘n prys te wen of kaartjies koop vir ‘n uitloting. Daar was ‘n hele reeks pryse op die spel.
Die organisasie het almal betrokke, van vrywilligers tot skenkers, bedank vir hulle hulp om die dag ‘n sukses te maak.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
