Potchefstroom Dorp Rugbyklub is die 2021 Neserliga-kampioene nadat hulle vir Ikageng Rugby Development Club met 38-22 op Olenpark in die eindstryd vandag (19 Junie) geklop het.
Dit was ‘n skouspel van klubrugby met klomp drieë wat gedruk is en positiewe aanvallende spel wat oor die 80 minute plaasgevind het.
Potch Dorp het meeste van die wedstryd gedomineer en was op ‘n stadium met 31-3 voor in die tweede helfte nadat hulle ‘n 21-3 voorsprong teen halftyd gehad het.
Ikageng het op die einde vir ‘n paar senuweagtige oomblikke gesorg om die telling na 31-22 te bring en gewys dat hulle nie net tou opgooi nie.
Potch Dorp het wel op die ou einde te veel skietkrag gehad en het verdien om die trofee vir die eerste keer sedert 2013 te wen.
Dit was ook gepas toe die laaste speler in Potch Dorp se span wat in 2013 die liga gewen het, Doynton Berry, die eer kry om die die laaste drie voor die pale te verdoel. Die vaskopstut skop die bal deur die pale en Potch Dorp kan feesvier.
Hou potchefstroomherald.co.za dop hierdie week vir die volle wedstrydverslag en reaksie van die spelers.
