Potchefstroom Dorp Rugbyklub was Saterdag, 6 Mei, hulle eie grootste vyand toe hulle 26 – 17 teen Matlosana in die Vision Sports Neserliga die knieg moes buig.

Alhoewel Dorp dominant in die vaste fasette was, het hulle besluitneming op aanval veral in Matlosana se 22, hulle in die steek gelaat. Dorp se dissipline was ook nie goed op die dag gewees nie, hulle het met strafskoppe toegelaat dat Matlosana in die wedstryd bly.

Dorp het die eerste helfte die gebiedvoordeel geniet maar kon dit nie ten volle benut nie. Teen halftyd was hulle slegs 12 -3 voor alhoewel hulle ten minste drie keer in hulle opponente se kwartgebied gaan kuier het.

Matlosana se teenaanvalle was dodelik en die manne van Klerksdorp het die Potchefstromers in die losspel gestraf.

Volgens Jo Smith, hoofafrigter van Dorp, is daar harde werk wat voorlê.

“Elke speler weet presies wat hy moet reg maak en wat ons as span moet doen vir die volgende wedstryde,” het Smith gesê.

Dorp sit hulle veldtog komende Saterdag, 13 Mei, teen Stilfontein Hurricanes voort.