Hoër Volkskool Potchefstroom se belowende draaibouler, Olefa Padi, is vir Krieket Suid-Afrika se o.17 nasionale TAP (Talent Acceleration Program) kamp gekies.

As 15-jarige is dit ‘n fantastiese prestasie. Hy gaan by die die Hoë Prestasie Sentrum in Pretoria vanaf 24-27 Augustus sy vaardighede hier verskerp saam van die land se top afrigters en hoë prestasie sisteme.

Padi het vanjaar op die wintertoer veral amok gemaak toe hy 8 paaltjies in ‘n wedstryd teen Trinity House laat tuimel het.

Hy was op laerskool in Saints Christian School en is nog ‘n voorbeeld van uitnemendheid vanuit Saints se krieketstal.

Muhammad Bulbulia (Fields College) is die ander Noordwes speler wat gekies is vir die TAP-kamp.