Ferdies het verlede week hulle tweede liga wedstryd gespeel.

Die Potchefstromers het Woensdag, Klerksdorp toe gereis om dinge reg te stel nadat hulle die vorige week, teen Christiana met 42 – 0 tweede gekom het.

Dit was vir Ferdies belangrik om ‘n goeie oorwinning oor Milner aan te teken. Nie net vir hulle veldtog nie, maar ook vir die span momentum.

Die Potchefstromers het goed gevaar om die wedstryd 41 -5 te wen. Hulle lê tans 3rde op die punteleer. Hulle volgende wedstryd is Woensdag, 23 April wanneer hulle vir Koster in Potchefstroom verwelkom.

Volgens Donnavan Serfontein, hoofafrigter van Ferdies se 1ste XV,  aanvaar hulle dat dit ‘n taai wedstryd gaan wees.

“Hulle wen ons elke jaar, maar ons het hulle verlede jaar op hulle tuisveld bymekaar gemaak. Ons berei vir ‘n harde wedstryd voor,” het hy gesê.

Die wedstryd tussen Ferdies en Koster skop om 16:00 op Ferdies se velde af.