Local newsNews
Lydenburg wen gholfkampioenskappe
Die Lydenburg Gholfklub se A-span het geskiedenis gemaak deur die eerste Laeveld-span te word wat ’n Mpumalanga-finaal op ’n hoëveldbaan gewen het.
Die spelers moes bibberende koue weer trotseer, maar dit het nie hul ywerigheid gedemp nie. Die finaal het by die Middelburg Country Club op Saterdag 24 Julie plaasgevind. Die baan is in ‘n puik kondisie en het die spel vlot laat verloop.
Frans Labuschagne het uitmuntende gholf gespeel. Kobie Pruis en Thys Cronje moes hard veg tot op die laaste gat om hulle pot te halveer. Die finale telling was 5-3 in Lydenburg se guns teen Bethal. Die Lydenburg-gholfers het na hul oorwinning op Saterdag 17 Julie teen Kambaku A van Komatipoort na die finale deurgedring. Die span bedank graag Zizwe as hul borg.
Lees ook: Landsdienslede touwys gemaak met eerstehulp
At Caxton, we employ humans to generate daily fresh news, not AI intervention. Happy reading!
