Avontuurkamp neem besoekers op stappie
Extreme Adventure Camp het op Welwillendheidsdag, 'n 6 km ontspanningstaptog en 'n behoorlike braai gereël om die jaar deeglik te beëindig en van Covid-inperkings te vergeet.
Altesaam 15 vriende en besoekers het by die geleentheid aangesluit.
Volgens die besprekingsagent van die kamp, Peter Dalgleish, was almal opgewonde om net uit die monotonie van hulle huise uit te breek. “Ons het gevoel dis absoluut nodig om uit te kom nadat die hele land vir byna twee jaar ‘gehok’ was,” het hy gesê.
Koelhouers vol vleis en ys en koue verversings was al wat die besoekers ná die rustige stap vereis het. Die gaste is verwelkom en ‘n inligtingsessie is aangebied. Peter en sy vrou, Samantha, het geen kompetisie vir die dag gereël nie, maar pryse is nietemin toegeken aan dié wie skynbaar die meeste pret gehad het.
“Hierdie stap en braai was een van die eerste byeenkomste van baie, en die volgende een sal op 14 Februarie, Valentynsdag, wees, wanneer ons die Lovers Lane-stap teen die Sabierivier af gaan doen, met ‘n lekker piekniek om die dag te eindig,” het Peter gesê.
Die groep is in twee verdeel om te voldoen aan maatskaplike distansiëringsvereistes en elkeen is voorsien met ‘n bottel vars water. Die tweede groep het eers ‘n tydjie ná die eerste een op die roete begin.
Die twee groepe is teen die berg af tot langs die Sabierivier, waar die waterval die stappers in bewondering gehad het. Hulle kon nie die geleentheid om te swem laat verbygaan nie.
ALSO READ: WATCH: Driver careens into wall of Mbombela law firm on New Year’s Day
Die byeenkoms is gereël deur Peter van Extreme Adventure Camp en Sharon Esterhuizen van Hazyview Adventure Backpackers. Die dag was die produk van die baie samewerkings van Hazyview en sy omliggende gebiede se toerismebedryf.
“Terwyl almal elders kompeteer, werk ons saam, en soos almal produkte byvoeg, voeg ons waarde toe aan ons kamp. Ons het besef dat Covid ons almal op dieselfde speelveld gesit het, en alles is nou regverdige spel. As ons kompeteer, gaan ons val, en as ons saamwerk, kan ons meer waarde vir geld in ‘n bekostigbare vorm aanbied,” het Peter gesê.
Elke besoeker wat die dag bygewoon het, is beloon met ‘n prys in die vorm van ‘n gratis riviervlotvaart vir twee.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
